Bu dövlət qurumunda 926 nəfər işdən çıxarıldı

avq-27
07:38 2019
“Azərpoçt” MMC-də islahatlar adı altında neçə ilin təcrübəli əməkdaşları işdən uzaqlaşdırılıb. Son müddətdə ümumilikdə 1000 nəfərə yaxın şəxs vəzifəsindən azad olunub.

Bu sensasion xəbəri Azpolitika.info yayıb. Xəbərdə bildirilir ki, rəhbərliyin bu “islahatı” ciddi narazılıq yaradıb.

“2018-ci ilin aprel ayında Emin Əfəndiyev “Azərpoçt” MMC-yə Baş direktor təyin olunandan sonra başlanan bu proses nəticəsində yüzlərlə təcrübəli rabitəçi işini itirib. Bu proses islahat adı altında aparılsa da, təcrübəli rabitəçilərin yerinə tamamilə başqa ixtisas sahiblərinin götürülməsi niyyətin başqa olduğunu ortaya qoyub. Belə məlum olub ki, Emin Əfəndiyev və ətrafı “Azərpoçt” MMC-də öz “komandalarını” formalaşdırır” –deyə xəbərdə bildirilir.

Narazılar bu barədə dəfələrlə Rabitə Nazirliyinə, müxtəlif dövlət strukturlarına yazsalar da, şikayətləri cavabsız qalıb, tədbir görülməyib. Buna görə də, rabitəçilər şikayətlərini, qarşılaşdıqları problemləri media vasitəsilə ictimailəşdirərək, səslərini ölkə rəhbərliyinə çatdırmaq istəyirlər.

Onlar bildirirlər ki, Emin Əfəndiyevin quruma rəhbərlik etdiyi 1 il 4 ayda “Azərpoçt” MMC-nin məsul vəzifəli şəxsləri tərəfindən alınan təsərrüfat mallarının qiymətləri şişirdilir, dövlət əmlakının özəlləşdirilərək satılmasından, icarəyə verilməsindən əldə edilən vəsaitlər büdcədən yayındırılaraq mənimsənilir. “Emin Əfəndiyevin “Azərpoçt” MMC-nin qocaman rabitəçilərini qurumdan uzaqlaşdırması bu niyyətini rahat həyata keçirmək istəyindən irəli gəlir”.

“Bu ilin mayına qədər “Azərpoçt” MMC-nin 926 nəfər peşəkar mütəxəssisinin müxtəlif adlar altında işdən çıxarılıb. Onların yerinə əksəriyyəti rabitəçi olmayan 787 nəfər işə qəbul edilib.

Eyni zamanda, Emin Əfəndiyevin ətrafına yığdığı kadrların maaşının 850-2500 manat arası dəyişdiyi halda, poçt işçisinin maaşının 184 manatdan o yana keçmir.

E.Əfəndiyevin apardığı struktur dəyişiklikləri nəticəsində əsasən “Azərpoçt” MMC-nin 1,2,3,4,5 və 6 saylı Poçt Filialları ləğv edildi, onun maddi-texniki bazası əsasında Bakı Poçt Filialı yaradıldı. Bakı Poçt Filialı yaxın günlərdə 3 saylı poçt filialının inzibati binasında fəaliyyətə başlayacaq”.

Yazıda səhv varsa bu barədə bizə məlumat ver.

Səhv olan yazını seç və CTRL+ENTER düymələrini sıx və bizə göndər

Xəbər lentİ

Təqvİm

«    Sentyabr 2019    »
BeÇaÇCaCŞB
 1
2345678
9101112131415
16171819202122
23242526272829
30 

SORĞU

Yeni Dizayn Necədir?

Əla
Yaxşı
Pis
Bərbad
  Bütün səslər