“Beşiktaş” Günəşi istefaya göndərir, onu gətirir

dek-24
08:49 2018
Super Liqanın XVII turunun son matçında səfərdə “Kasımpaşa”ya 1:4 hesabı ilə yenilən “Beşiktaş” baş məşqçisi Şenol Günəşlə yollarını ayırır.

Fanat.Az xəbər verir ki, bu barədə Türkiyə mediası məlumat yayıb. İddialara görə, İstanbul klubu artıq hazırda Çinin “Quanqzu Everqrande” klubuna başçılıq edən Fabio Kannavaro ilə danışıqlara başlayıb.

Məlumata görə, hətta italiyalı mütəxəssis İstanbula gələrək “Beşiktaş” rəhbərliyi ilə görüşüb. Çin klubu ilə 2022-ci ilədək müqaviləsi ilə olan 45 yaşlı mütəxəssislə anlaşma olmasa, “Beşiktaş” Quti Hernandesi baş məşqçi postuna gətirəcək.

“Kasımpaşa” ilə oyundan sonra istefaya göndəriləcəyi ilə bağlı sualı cavablandıran Şenol Günəş isə bunları deyib: “Çempionatın necə olacağını bilmirəm. Mən işimin başındayam. Fasilədə çıxışımız dəyərləndiriləcək. Bu məsələləri siz (jurnalistlər) daha yaxşı bilərsiniz”.

Qeyd edək ki, futbolçu karyerası ərzində “Napoli”, “Parma”, “İnter”, “Yuventus”, “Real” və “Əl-Əhli” klublarında oynamış Fabio Kannavaro məşqçiliyə Birləşmiş Ərəb Əmirliklərində başlayıb. 2011-ci ildə karyerasını bitirdiyi “Əl-Əhli”də 2013/14 mövsümündə köməkçi-məşqçi işləyən italyan mütəxəssis sonradan Çinin “Quanqzu Everqrande” (iki dəfə), “Tianjin Quanjian” və Səudiyyə Ərəbistanının “Əl-Nassr” klublarına başçılıq edib.

Yazıda səhv varsa bu barədə bizə məlumat ver.

Səhv olan yazını seç və CTRL+ENTER düymələrini sıx və bizə göndər

Xəbər lentİ

Təqvİm

«    Noyabr 2019    »
BeÇaÇCaCŞB
 123
45678910
11121314151617
18192021222324
252627282930 

SORĞU

Yeni Dizayn Necədir?

  Bütün səslər