Pulları oğurlanan "Günay Bank"da son durum bəlli oldu - Müştərilər depozitlərini geri çəkir

iy-24
06:23 2018
Mətbuatda mənimsəmə olduğu iddia edilən "Günay Bank” ASC 2018-ci ilin 1-ci yarısını 617 min manat xalis mənfəətlə başa vurub. Bu, ötən ilin eyni dövründə olduğundan 7,2 dəfə azdır. "Günay Bank" 2017-ci ilin yanvar-iyun aylarında 4 milyon 474 min manat məbləğində xalis mənfəət əldə etmişdi.



2017-ci ilin birinci yarısında 3 milyon 375 min manat təşkil etmiş faiz gəlirləri 2018-ci ilin birinci yarısında 4 milyon 303 min manat təşkil edib. Müqayisə olunan dövrdə, qeyri-faiz gəlirləri isə 3 milyon 353 min manatdan 4 milyon 831 min manata yüksəlib. Qeyri- faiz gəlirlərinin 3 milyon 38 min manatı valyuta əməliyyatlarından gəlirin payına düşüb.



Xərclər çıxıldıqdan sonra Bankın 3 milyon 916 min manat əməliyyat mənfəəti qalıb. Əməliyyat mənfəətinin 3 milyon 299 min manatı aktivlər üzrə (ehtimal olunan kredit və depozit itkiləri üzrə ) mümkün zərərlərin ödənilməsi üçün xüsusi ehtiyatın yaradılmasına ayrıldığından Bankın xalis mənfəəti 617 min manat təşkil edib.



2017-ci ilin birinci yarısında"Günay Bank" 3 milyon 149 min manat əməliyyat mənfəəti əldə etmiş, həmçinin ehtiyatlardan 1 milyon 325 min manat azad olaraq mənfəətə əlavə olunmuşdu. Bu səbəbdən Bankın xalis mənfəəti 4 milyon 474 min manata yüksəlmişdi.



AKTİVLƏRİ AZALIB



30 İyun 2018-ci il tarixində "GünayBank” ASC 181 milyon 695 min manat cəmi aktivlərə, 120 milyon 970 min manat cəmi öhdəliklərə və 60 milyon 725 min manat cəmi balans kapitalına malik olub.



31 Dekabr 2017-ci il tarixində "Günay Bank” 192 milyon 209 min manat cəmi aktivlərə, 131 milyon 931 min manat cəmi öhdəliklərə və 60 milyon 278 min manat cəmi balans kapitalına malik idi.



Ötən ilin sonunda 139 milyon 498 min manat olmuş kreditlər, 30 İyun 2018-ci il tarixində 147 milyon 734 min manata yüksəlib. Nağd vəsaitlər isə 15 milyon 748 min manatdan 19 milyon 683 min manata qalxıb.



Aktivlərin azalmasının səbəbi 6 ay ərzində Mərkəzi Bankda müxbir hesabdakı vəsitin 31 milyon 136 min manatdan 3 milyon 90 min manata, "Nostro" hesabların isə 12 milyon 954 min manatdan 811 min manata geriləməsidir.



"Günay Bank" maliyyə institutlarının depozitlərindən qaytarıb. 6 ay ərzində Banklar istisna olmaqla, digər maliyyə institutlarının depozitləri 15 milyon 476 min manatdan 5 milyon 209 min manata düşüb. Bankın digər passivləri də azalıb.



Mətbuat "Günay Bank”ın keçmiş sədr müavini Emin Zeynalovun Bankın pullarını mənimsədiyini yazmışdı.

Yazıda səhv varsa bu barədə bizə məlumat ver.

Səhv olan yazını seç və CTRL+ENTER düymələrini sıx və bizə göndər

Xəbər lentİ

Təqvİm

«    İyul 2019    »
BeÇaÇCaCŞB
1234567
891011121314
15161718192021
22232425262728
293031 

SORĞU

Yeni Dizayn Necədir?

Əla
Yaxşı
Pis
Bərbad
  Bütün səslər